शिवाचार्य चंद्रशेखर महाराजांचे माजलगाव नगरीत भव्य स्वागत.
श्रावणमासात भीमाशंकर येथे केले होते तिसरे तपोअनुष्ठाण
बीड (प्रतिनिधी) वीरशैव समाजाचे श्रध्दास्थान असलेल्या माजलगाव येथील मिस्कीनस्वामी मठाचे मठाधिपती शिवाचार्य चंद्रशेखर महाराज यांनी बारा ज्योर्तििलंगापैकी एक असलेल्या श्रीक्षेत्र भीमाशंकर येथे श्रावणात महिनाभर तपोनुष्ठाण केले. तपोनुष्ठाणाची सांगता झाल्यानंतर 4 सप्टेंबर रोजी त्यांचे माजलगाव नगरीत उत्साहात स्वागत करण्यात आले. यावेळी सायंकाळी 7 वाजता माजलगाव मठ परिसरात शिवाचार्य चंद्रशेखर महाराजांची मिरवणूक काढण्यात आली.
माजलगाव येथील मिस्कीनस्वामी मठाचे मठाधिपती प्रभू पंडिताराध्य शिवाचार्य महाराज यांच्यानंतर उत्तराधिकारी म्हणून शिवाचार्य चंद्रशेखर महाराज यांची नियुक्ती करण्यात आली. शिवाचार्य चंद्रशेखर महाराज यांच्या नेतृत्वाखाली माजलगाव मठात विविध धार्मिक कार्यक्रम घेतले जातात.उत्तराधिकारी झाल्यानंतर मठाधिपती शिवाचार्य चंद्रशेखर महाराज यांनी श्रावणातील पहिले 2022 मध्ये माजलगावकर मठातील प्रभूपंडिताराध्य शिवाचार्य महाराज यांच्या समाधीजवळ केले होते. दुसरे तपोनुष्ठाण श्रीक्षेत्र कपिलधार येथे तर यंदा श्रीक्षेत्र भीमाशंकर येथे तिसरे तपोनुष्ठाण केले. या तपोनुष्ठाणाची सांगता झाल्यानंतर शिवाचार्य चंद्रशेखर महाराज यांनी श्रीक्षेत्र कपिलधार येथे संत शिरोमणी श्री मन्मथ स्वामी यांच्या संजिवन समाधीची महाआरती केली. माजलगावकर मठाच्या वतीने सुरु असलेल्या अन्नदानाचे उद्यापन केले. यानंतर सायंकाळी 7 वाजता त्यांचे माजलगाव नगरीत आगमन झाल्यानंतर भक्तांच्या वतीने त्यांचे उत्साहात स्वागत करण्यात आले. माजलगावकर मठ परिसरात शिवाचार्य चंद्रशेखर महाराजांची मिरवणूक काढण्यात आली. मठात आगमन झाल्यानंतर श्री मिस्कीनस्वामी आिण प्रभूपंडिताराध्य शिवाचार्य महाराज यांच्या समाधीची महाआरती करुन दर्शन घेतले. यानंतर त्यांनी उपस्थित भाविकांना धर्मोपदेश केला.
